Një tjetër protestë u mbajt këtë të diel para Ministrisë së Brendshme, këtë herë nga Aleanca për Mbrojtjen e Teatrit.
Tubimi i sotëm vjen pas shoqërimit nga policia ditën e shtunë të 4 prej anëtarëve të Aleancës, të cilët ishin mbledhur për aktivitetin e përditshëm që mbajnë pranë vendit ku dikur ngrihej teatri.
Artistët akuzojnë policinë se 4 anëtarët e Aleancës janë marrë dhe shoqëruar në formë të dhunshme nga policia, dhunë që sipas tyre ka vazhduar edhe në ambientet e komisariatit ku ishin shoqëruar.
Tri janë kërkesat për të cilat ata protestojnë: Marrja e masave nga Policia e Shtetit ndaj efektivëve që ushtruan dhunë pa motiv; shkarkimin dhe procedimin penal të Drejtorit të Përgjithshëm të Policisë së Shtetit Ardi Veliu; si dhe ristrukturimin e Policisë së Shtetit.
Pavarësisht se ishte një protestë e qetë, ndërsa policia i kishte marrë të gjitha masat për të garantuar mbrojtjen e godinës së Ministrisë së Brendshme. Kjo protestë pason ato për vrasjen e 25-vjeçarit, Klodian Rasha, nga një efektiv policie dhe pjesë e këtyre protestave ishin dhe një pjesë e artistëve, anëtarë të Aleancës për Qytetarët. (A2 Televizion)
A2 CNN Livestream
MUND TE LEXONI GJITHASHTU
