19 persona humbën jetën dhe shumë të tjerë mbetën të plagosur si pasojë e një shpërthimi në një klinikë në Teheran.
Ngjarja e rëndë ndodhi në klinikën “Sina Athar” në Teheran dhe autoritetet bëjnë më dije së shpërthimi u shkaktua si pasojë e një rrjedhje gazi.
Bilanci i viktimave mund të rritet më tej pasi shumë persona janë të plagosur rëndë ndërsa ka dhe të tjerë që ende nuk janë gjetur nën rrënoja.
Sipas autoriteteve pjesa më e madhe e viktimave ishin femra.
Shefi i departamentit të zjarrfikësve Jalal Maleki bën me dije se pjesa më e madhe e personave që humbën jetën ndodheshin në katet e larta të klinikës, në sallën e operacionit.
“Ata fatkeqësisht humbën jetën si pasojë e nxehtësisë dhe tymit të dendur”, shpjegon Maleki. (A2 Televizion)
A2 CNN Livestream
MUND TE LEXONI GJITHASHTU
