Kryekomisioneri Ilirian Celibashi nuk ka shprehur rezerva sa i përket fondeve që do të marrë nga qeveria për vitin e ardhshëm. Para deputetëve në komisionet parlamentare, ai zbardhi edhe faturën për votimet e 19 majit në të 46 bashkitë.
Edhe pse shprehu besimin se reforma territoriale nuk do të ndikojë në buxhet, ai shprehu një rezervë për mundësinë e kërkimit të fondeve shtesë.
Votimi dhe numërimi elektronik kanë pak gjasa të realizohen për shkak të kundërshtimit të opozitës.
Këtë të mërkurë, Celibashi zhvilloi një takim me ambasadoren e BE-së në Tiranë, Sofia Moreira de Sousa, e cila deklaroi se Shqipëria po ecën në drejtimin e duhur drejt anëtarësimit.
Ambasadorja theksoi nevojën për një debat të mirëfilltë mbi reformën zgjedhore, ndërsa gjatë takimit u identifikuan pesë prioritete: parandalimi i keqpërdorimit të burimeve shtetërore, roli i administratës publike gjatë fushatës, financimi i partive dhe fushatave zgjedhore, profesionalizimi i administratës zgjedhore dhe garantimi i votës për qytetarët që aktualisht nuk kanë mundësi ta ushtrojnë këtë të drejtë. (A2 Televizion)
A2 CNN Livestream
MUND TE LEXONI GJITHASHTU
