“Platforma që na kishte munguar prej kohësh.” Kjo është fraza që e dëgjoj kudo - në takime, në rrugë dhe sa herë flas me gazetarë gjatë intervistave mediatike. Sot, në të gjithë Shqipërinë dhe Kosovën, mbi 2,500 biznese lokale dhe më shumë se 1,200 korrierë aktivë rrisin aktivitetin e tyre të përditshëm përmes Wolt. Ky shkallëzim reflekton jo vetëm adaptim të shpejtë, por edhe një shkallë të lartë besimi nga komunitetet lokale.
Aq krenar sa jam në rolin tim si Drejtor i Wolt për këto dy vende, për këtë rrugëtim të suksesshëm, po aq krenar jam edhe si shqiptar që kjo kompani është bërë pjesë e tregjeve tona, e qyteteve tona, e tavolinave tona dhe e bisedave tona të përditshme.
Kur iu bashkova Wolt-it më pak se një vit më parë, nuk ishte një vendim i lehtë. Po lija pas një karrierë të gjatë dhe të konsoliduar në sektorin e telekomunikacionit. Megjithatë, isha thellësisht i bindur se më priste diçka emocionuese, diçka edhe më dinamike nga ajo që kisha përjetuar më parë. Vizioni i një kompanie si Wolt, që evoluon çdo sekondë për t’u përshtatur me nevojat në ndryshim të konsumatorëve dhe zhvillimet e shpejta teknologjike, ishte pikërisht ajo që kisha kërkuar.
Wolt nuk është thjesht një platformë shpërndarjeje (delivery). Është një kompani teknologjike që po riformëson mënyrën se si njerëzit kanë të arritshme produktet dhe shërbimet, duke ripërkufizuar rehatinë e përditshme dhe duke forcuar ekonomitë lokale. Misioni i tij është i thjeshtë, por i fuqishëm: të sjellë gëzim, thjeshtësi dhe mundësi të ardhurash për komunitetet lokale. Si Shqipëria, ashtu edhe Kosova, e kanë përqafuar plotësisht këtë mision.
Sot, konsumatorët shqiptarë janë në të njëjtin nivel me miliona përdorues në mbarë botën, në Evropë dhe në Shtetet e Bashkuara. Qytetet shqiptare po i ngjajnë gjithnjë e më shumë atyre evropiane, me korrierët blu të Wolt-it të pranishëm nëpër rrugë dhe me bizneset që përfitojnë drejtpërdrejt nga çdo klikim i bërë dhjetëra apo qindra herë në ditë. Të rinjtë fitojnë përvojë duke punuar për një lider global të teknologjisë, sigurojnë të ardhura dhe mbështesin veten dhe familjet e tyre. Mbi të gjitha, ekonomitë lokale rriten dhe Shqipëria dhe Kosova afrohen më shumë me tregje rajonale dhe evropiane të konsoliduara. E gjithë kjo - falë Wolt-it.
Në Shqipëri, Wolt ka përmbyllur tashmë dy vite operimi, duke shërbyer në Tiranë, Durrës, Vlorë dhe Shkodër, me një moment të fortë rritjeje dhe plane për zgjerim në qytete të tjera. Sot, platforma lidh mbi 1,700 biznese lokale me më shumë se 600 korrierë, duke mbështetur aktivisht punësimin dhe duke kontribuar në rritjen e ekonomisë lokale.
Në Kosovë, ky janar shënoi vitin e parë të operimit - një vit po aq i suksesshëm, i udhëhequr nga plane ambicioze për të zgjeruar praninë e Wolt-it në më shumë qytete të vendit. Sot, ekosistemi i Wolt në Kosovë përfshin mbi 800 biznese lokale dhe më shumë se 400 korrierë, duke mbështetur vendet e punës dhe duke forcuar ekonominë lokale.
Si Drejtor i Wolt për Shqipërinë dhe Kosovën, dëshiroj të theksoj disa arritje të përbashkëta që vetëm pak tregje kanë arritur. Nisja e Wolt në këto dy tregje konsiderohet ndër më të suksesshmet globalisht për kompaninë. Që në javët e para, Wolt ofroi një gamë të gjerë produktesh, jo vetëm gastronomi, por edhe shërbime të tjera të shitjes me pakicë si farmaci, produkte shtëpiake, luleshitëse, kozmetikë dhe shumë më tepër.
Mbi të gjitha, ky sukses u përket qytetarëve, bizneseve dhe mijëra konsumatorëve që ndajnë çdo ditë momente gëzimi me ne. Dhe Wolt nuk ndalet këtu në vitin e tij të dytë. Vetëm pak javë më parë, kompania prezantoi përditësimin më të madh deri më sot të aplikacionit celular, duke e bërë atë akoma më miqësor dhe intuitiv për përdoruesit.
Ne do të vazhdojmë të zgjerohemi në qytete të reja, duke ofruar mundësi për çdo familje, çdo të ri që kërkon punë dhe çdo biznes që synon të rritet. Surpriza edhe më emocionuese po vijnë me Wolt gjatë vitit 2026. Ndërsa festojmë përvjetorin tonë të dytë, jemi po aq krenarë për arritjet tona, sa edhe të përgjegjshëm për të ruajtur standardet më të larta të ekselencës në shërbim përmes Wolt-it.
Sot, shqiptarët e mbajnë vërtet qendrën e tyre tregtare digjitale në xhep.
Faleminderit partnerëve tanë për besimin.
Mirënjohës ndaj mijëra konsumatorëve që e bënë të mundur këtë rrugëtim.
Lisandri Dragoj
Drejtor i Wolt Shqipëri & Kosovë (A2 Televizion)
A2 CNN Livestream
MUND TE LEXONI GJITHASHTU
