Punonjësit e OSHEE-së në juglindje të vendit po përballen gjatë orëve të fundit me vështirësi të mëdha për shkak të këputjes së përcjellësve dhe erës së fortë.
Në pamjet e mbërritura në A2 CNN janë disa momente pune të elektricistëve në Çervenakë të Pogradecit, të cilët mes furtunës po punojnë për vendosjen e shtyllave të thyera nga era e fortë.
Ndërkohë vijojnë problemet me vërshimin e ujërave në aksin nacional Pogradec-Qafë Thanë. Krahas problematikës me daljen e shtratit pranë fshatit Gur i Kuq ku vijon puna për zhbllokllimin e kulluesit, janë edhe dy zona të tjera në këtë aks që kanë shfaqur probleme në ditën e sotme pranë fshatit Udënisht dhe në Pojskë pranë burgut.
Si pasojë e reshjeve dhe aluvioneve janë bllokuar pusetat kulluese duke bërë që uji dhe aluvione të dalin mbi rrugë duke penguar qarkullimin e mjeteve. Aktualisht në zonë kanë shkuar mjete dhe po punojnë për të stabilizuar situatën ndërsa në zonat problematike lëvizja bëhet vetëm me një korsi.
(A2 Televizion)
A2 CNN Livestream
MUND TE LEXONI GJITHASHTU
