Pamje të pabesueshme dhe të paprecedenta mund të cilësohen ato të mbrëmjes së të martës në Gjirokastër, ku thuajse të gjitha rrugicat e kalldrëmta u kthyen në përrenjtë rrëmbyeshëm.
Mëngjesi i të mërkurës tregoi më qartë atë çfarë shkaktuan prurjet e përrenjve malorë ku tonelata me inerte u depozituan në pjesën fundore të qytetit.
Biznese të tëra janë dëmtuar nga kjo situatë e cila duket se erdhi shumë shpejt pa u lënë kohë të hiqnin asgjë nga malli që kishin.
Sakaq energjia elektrike ka munguar gjatë ditës së mërkurë në Gjirokastër, ashtu sikurse u pezullua edhe procesi mësimor.
Për kryetarin e bashkisë së Gjirokastrës situata është e paprecedentë, dhe ndërsa premton një rikthim të shpejtë të normalitet në rrugët e qytetit, ka premtuar edhe dëmshpërblim sipas ligjit për personat apo bizneset e dëmtuar. Sipas kryebashkiakut, kjo situatw nuk erdhi thjesht nga reshjet, por nga përrenjtw e inerteve që u shkulwn nga mali, duke nënkuptuar se nuk ka qenë faji i sistemit tw kanalizimeve të qytetit.
Ndërkohë problematika nga reshjet ka patur edhe në rrugët nacionale dhe ato rurale të bashkisë së Gjirokastrës. (A2 Televizion)
A2 CNN Livestream
MUND TE LEXONI GJITHASHTU
