Ka zgjatur vetëm pak minuta seanca e parë gjyqësore për dosjen Partizani në GJKKO. Në seancë mungoi Sali Berisha, ndërsa ishte i pranishëm dhëndri i tij Jamarbër Malltezi. Pas daljes nga seanca, ai e ka cilësuar procesin një gjueti shtrigash me urdhër të Edi Ramës.
Malltezi u shpreh se janë shkelur procedurat, pasi kreu i PD-së Sali Berisha nuk u njoftua për seancën të paktën 10 ditë më parë se ajo të mbahej, siç parashikohet në Kodin e Procedurës Penale, por thirrja për të ka ardhur vetëm ditën e premte.
“Njoftimi për zotin Berisha ka ardhur të premten, sipas Kodit të Procedurës duhet të vijë 10 ditë më parë. Policia ka gënjyer, e ka pasur 2 javë në dorë dhe nuk e kanë sjellë. Ne kemi zhvilluar pronën tonë pa cenuar të tjerët, jo si Rama që vjedh prona dhe ua fal të tijve".
Gjithashtu Malltezi pretendon se kryeministri duhet të merret i pandehur për dosjen “Partizani”.
“Edi Rama ka bërë 11 ndryshime në 2006-n. Të gjitha janë gënjeshtra me regji. Edi Rama duhet të ishte i pandehur se ka shkaktuar dëm 340 mijë euro në financat publike. Kemi të bëjmë me një gjueti shtrigash nga garda revolucionare”, tha ai. (A2 Televizion)
A2 CNN Livestream
MUND TE LEXONI GJITHASHTU
