Një rast i rëndë i cënimit të pronësisë intelektuale është goditur sot në Durrës, ku janë bllokuar mbi 103 mijë palë veshje të falsifikuara me marka të njohura ndërkombëtare.
A2CNN meson se janë sekuestruar veshje me logo të markave si Adidas, Nike, Gucci dhe Dior. Bëhet fjalë për mbi 103 mijë artikuj të dyshuar si të falsifikuar dalin jashtë tregut.
Mallrat, kryesisht mbathje, çorape dhe bluza, kanë ardhur nga Kina dhe janë kapur mbrëmë në Portin e Durrësit, në bazë të kontrolleve doganore. Destinacion final ka qenë Maqedonia e Veriut.
Antikontrabanda zbuloi bluza sportive dhe veshje të markave Hugo Boss dhe Calvin Klein. Sakaq është goditur edhe tentativa për hedhjen në treg të veshjeve të falsifikuara të ekipeve europiane.
Autoritetet doganore kanë theksuar se do të ketë tolerancë zero ndaj falsifikimit dhe shkeljeve të Kodit Doganor.
(A2 Televizion)
A2 CNN Livestream
MUND TE LEXONI GJITHASHTU
