Një zjarr ka rënë pasditen e sotme në lagjen Kordhocë të njësisë administrative Lazarat, duke rrezikuar banesat përreth. Sipas informacioneve paraprake, zjarri ka shpërthyer rreth orës 16:20 në një zonë me barëra të thata dhe është përhapur me shpejtësi për shkak të kushteve atmosferike dhe terrenit.
Punonjësit e MZSH-së së Gjirokastrës janë në vendngjarje dhe po punojnë intensivisht për izolimin dhe shuarjen e flakëve.
Zjarrfikësit konstatuan që në momentin e parë se zjarri kishte përmasa të mëdha dhe se ekzistonte rrezik i drejtpërdrejtë për disa banesa në afërsi.
Aktualisht po bëhen përpjekje për neutralizimin e plotë të zjarrit dhe eliminimin e çdo rreziku për komunitetin. (A2 Televizion)
A2 CNN Livestream
MUND TE LEXONI GJITHASHTU
