Një aksident rrugor ka ndodhur pasditen e sotme në Durrës, ku një automjet tip ‘Benz’ ka përplasur për vdekje një 68-vjeçar.
Përmes një njoftimi, Policia bën të ditur se automjeti që përplasi të moshuarin drejtohej nga një 28-vjeçar, i cili është shoqëruar në Komisariat, shkruan A2 CNN.
Po ashtu bëhet e ditur se ngjarja ka ndodhur rreth orës 18:44, në rrugën e re të portit, në vendin e quajtur “Marfish”.
Ndërkohë grupi hetimor ndodhet në terren dhe po punon për sqarimin e plotë të rrethanave të aksidentit.
Njoftimi i Policisë:
Durrës/ Informacion paraprak
Rreth orës 18:44, në rrugën e re të portit, në vendin e quajtur “Marfish”, automjeti tip Benz, që drejtohej nga shtetasi L. K., 28 vjeç, ka aksidentuar këmbësorin, shtetasin R. M., 68 vjeç. Si pasojë e aksidentit, 68-vjeçari ka ndërruar jetë.
Drejtuesi i automjetit, shtetasi L. K., është shoqëruar në Komisariat për veprime të mëtejshme procedurale.
Grupi hetimor po punon për sqarimin e plotë të rrethanave të aksidentit. (A2 Televizion)
A2 CNN Livestream
MUND TE LEXONI GJITHASHTU
