Brenda pak ditëve, Policia e Vlorës ka zhvilluar dy operacione me qëllim ndalimin e personave të shpallur në kërkim për krimet e vrasjes.
Pas arrestimit të Kleanth Bylykut, të dyshuarit për vrasjen e Renato Hoxhajt, ndodhur në prill të këtij viti në Vlorë, policia e qytetit bregdetar realizoi një tjetër operacion me rrezikshmëri të lartë në një hotel në Orikum, si rezultat i të cilit u arrestua Flodian Plaku, i dyshuar për vrasjen e Gentjan Bejtjas në mars të këtij viti, pranë banesës së tij në Fushë Krujë.
Së bashku me Plakun, policia arrestoi edhe tre persona të tjerë, të cilët dyshohen se e kanë ndihmuar të fshihet, të lëvizë si dhe i kanë ofruar shërbime duke i dërguar ushqime.
Në pranga ka rënë edhe berberi që shkonte herë pas here në vendin ku fshihej Plaku. (A2 Televizion)
A2 CNN Livestream
MUND TE LEXONI GJITHASHTU
