Policia e Tiranës ka arrestuar 1 shtetas i cili mbante pa leje, në banesë, 1 armë zjarri pushkë, shkruan A2 CNN.
“Në vijim të kontrolleve dhe punës informative, me synim evidentimin dhe goditjen e rasteve të armëmbajtjes pa leje që rrezikojnë të drejtat e qytetarëve dhe cenojnë rendin publik, shërbimet e Komisariatit të Policisë Nr. 6 finalizuan operacionin “Village”. Si rezultat i operacionit u arrestua në flagrancë shtetasi E. S., 31 vjeç”, tha policia.
Gjatë kontrollit në banesën e tij, në fshatin Lalm, Vaqarr, u gjet dhe u sekuestrua me cilësinë e provës materiale, 1 armë zjarri pushkë që posedohej pa leje.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme. (A2 Televizion)
A2 CNN Livestream
MUND TE LEXONI GJITHASHTU
