Policia e Elbasanit ka vënë në pranga një 41-vjeçar, pasi ka kanosur me një armë manovër katër punonjës të Forcës Operacionale, të cilët po kryenin kontrolle për kapjen e vëllait të tij, të shpallur në kërkim për armëmbajtje pa leje.
Ngjarja ndodhi në lagjen “Visarion Xhuvani”. Gjatë ndërhyrjes, Policia sekuestroi edhe armën dyshuar manovër.
Ndërkohë vijojnë kontrollet për kapjen e vëllait të tij.
Njoftimi i Policisë Elbasan
Kanosi me armë të dyshuar manovër, punonjësit e Policisë të angazhuar për kapjen e vëllait të tij (shtetas në kërkim), arrestohet 41-vjeçari.
Sekuestrohet sendi i ngjashëm me armën e zjarrit.
Specialistët e Hetimit të Krimeve të DVP Elbasan, në bashkëpunim me oficerët e Policisë Gjyqësore të Prokurorisë, arrestuan në flagrancë shtetasin B. B.(Ç.), 41 vjeç, banues në Elbasan.
Ky shtetas, në lagjen “Visarion Xhuvani”, ka kanosur me armë të dyshuar manovër, 4 punonjës të Forcës Operacionale të DVP Elbasan, gjatë kryerjes së kontrolleve dhe veprimeve operacionale të tjera, për kapjen e vëllait të 41-vjeçarit, shtetasit B. B., që është në kërkim për veprën penale “Mbajtja pa leje dhe prodhimi i armëve, armëve shpërthyese dhe municionit”.
Ndërkaq, vijojnë intensivisht kontrollet për kapjen e shtetasit B. B..
Materialet procedurale iu referuan Prokurorisë, për veprime të mëtejshme, për shtetasin B. B.(Ç.), për veprat penale “Kanosja për shkak të detyrës” dhe “Mbajtja pa leje dhe prodhimi i armëve, armëve shpërthyese dhe municionit”.
(A2 Televizion)
A2 CNN Livestream
MUND TE LEXONI GJITHASHTU
