Ish-deputeti i Partisë Demokratike, Ervin Salianji, është liruar nga burgu i Fierit, ku vuante dënimin me 1 vit burg që prej tetorit 2024.
Burime nga brenda seancës bëjnë me dije se raporti i shërbimit të provës ka rezultuar pozitiv, ndërsa prokurori dha dakordësinë për lirimin.
Në seancën e shkuar u paraqit raporti i vlerësimit të sjelljes nga Institucioni i Ekzekutimit të Vendimeve Penale (IEVP) në Fier, i cili sipas avokatit të Salianjit, Ledio Braho, rezultoi pozitiv.
Kujtojmë se Salianji u dënua me 1 vit burg me vendim të formës së prerë për kallëzim të rremë në lidhje me çështjen “Babale”.
Nga ana tjetër, ai dhe opozita e kanë cilësuar procesin ndaj tij si të montuar politikisht dhe e kanë quajtur të padrejtë vendimin.
(A2 Televizion)
A2 CNN Livestream
MUND TE LEXONI GJITHASHTU
