Plagosi babanë me armë, arrestohet 23-vjeçari

Në fshatin Mbrostar Ura të Fierit, një 23-vjeçar ka plagosur me armë zjarri të modifikuar babanë e tij, pas një konflikti në familje.

Ngjarja ka ndodhur rreth mesnatës, shkruan A2.

Policia ka arrestuar të riun, ndërsa arma e përdorur është sekuestruar.

I plagosuri ndodhet jashtë rrezikut për jetën.

Njoftimi i policisë:

Plagosi babanë e tij, me një armë të modifikuar, pas një konflikti në familje, kapet 23-vjeçari.

Sekuestrohet arma e modifikuar si armë sportive.

Shërbimet e Komisariatit të Policisë Fier, rreth mesnatës, sapo janë njoftuar se një shtetas kishte plagosur babanë e tij, në banesën e tyre, në fshatin Mbrostar Ura, kanë organizuar punën dhe kanë shkuar në vendngjarje, me qëllim kapjen e autorit.

Si rezultat i veprimeve të shpejta policore u kap dhe u vu në pranga, shtetasi J. Z., 23 vjeç.

Ai dyshohet se pas një konflikti me babanë e tij, shtetasin N. Z., 58 vjeç, e ka plagosur atë, në këmbë, me një armë të modifikuar si armë sportive.

58-vjeçari është aktualisht në kujdesin e mjekëve dhe jashtë rrezikut për jetën.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme. (A2 Televizion)