Apeli i Posaçëm shqyrton sot kërkesën e SPAK për kthimin në "arrest shtëpie" të kryetarit të PD, Sali Berisha.
Prokuroria e Posaçme ka kundërshtuar në Apel vendimin e Shkallës së Parë që shfuqizoi masën e sigurisë në të cilën Berisha qëndroi për 11 muaj.
Seanca në Apel ka nisur prej orës 10:00. Sakaq, ish-kryeministri Berisha u la i lirë një muaj më parë pas qëndrimit për rreth 1 vit në arrest shtëpie.
Ai akuzohet nga SPAK si i përfshirë në dosjen “Partizani”, ku njëherësh i akuzuar është edhe dhëndri i tij, Jamarbër Malltezi.
Prokuroria e Posaçme e mori të pandehur Berishën nën akuzën e korrupsionit pasiv. Ai akuzohet se ka ndërmarrë veprime konkrete në miratim ligjesh dhe aktesh nënligjore, për t’i përshtatur sipas nevojave të pesë familjeve pronare në kompleksin sportiv “Partizani”. (A2 Televizion)
A2 CNN Livestream
MUND TE LEXONI GJITHASHTU
