Zhvillimet të reja kanë ndodhur për ngjarjen në azil, ku 78 vjeçari Zyhdi Shehi vrau me bastun shokun e tij të dhomës, Virxhil Vesho.
Policia ka vënë në pranga Nazime Mullën dhe Glesantina Saraçin, infermiere dhe kryeinfermiere në azilin ku u vra i moshuari, pasi dyshohet se kanë tentuar të mbulojnë këtë krim.
Nga hetimi i kryer u siguruan prova të mjaftueshme që krijojnë dyshimin e arsyeshëm se dy të arrestuarat në bashkëpunim me njëra-tjetrën, kanë konsumuar veprën penale "Veprime që pengojnë zbulimin e së vërtetës”.
Këto dy shtetase nuk kanë njoftuar organet kompetente për ngjarjen e ndodhur si dhe kanë kryer veprime që pengojnë zbulimin e së vërtetës.
Infermieret kanë thënë para uniformave blu se nuk e kanë kuptuar që Zyhdi Shehi kishte vrarë Virxhil Veshon, por sipas tyre, kanë menduar se ky i fundit është rrëzuar dhe si pasojë ka ndërruar jetë.
Ngjarja e rëndë ndodhi një ditë më parë në një azil pleqsh në Tiranë, teksa të dy të moshuarit vuanin nga demenca dhe parkinsoni. (A2 Televizion)
A2 CNN Livestream
MUND TE LEXONI GJITHASHTU
