Një 37-vjeçar i kërkuar në Spanjë për mashtrim me call centerat, është arrestuar nga policia Rrugore në Tiranë krejt rastësisht, shkruan A2 CNN. Ndriçim Sula u ndalua në rrugë nga efektivët, pasi e konstatuan atë duke përdorur celularin në timon.
Pas verifikimeve të uniformave blu rezultoi se 37-vjeçari rezultoi të ishte person i shpallur në kërkim ndërkombëtar nga Spanja. Për të gjykata kishte cekuar në mungesë masën e sigurisë arrest në burg, duke e akuzuar për veprën penale “Mashtrimi”, me pasoja të rënda, kryer në kuadër të organizatës kriminale.
“Gjatë monitorimit sistematik që kryhet në të gjitha akset e kryeqytetit, me pajisje bashkëkohore dhe shërbime të shtuara, shërbimet e Policisë Rrugore të Tiranës konstatuan shtetasin N. S., 37 vjeç, duke përdorur celularin, gjatë drejtimit të automjetit. Nga verifikimet e kryera menjëherë pas ndalimit dhe shkëmbimit të informacionit me Interpol Tiranë rezultoi se 37-vjeçari ishte në kërkim për llogari të autoriteteve spanjolle”, tha policia.
Gjykata e Seu de Urgell i ka caktuar masën e sigurisë “Arrest në burg”, për veprën penale “Mashtrimi”, me pasoja të rënda, kryer në kuadër të organizatës kriminale.
Në përfundim të veprimeve procedurale, shërbimet e Komisariatit të Policisë Nr. 2 arrestuan provizorisht, në kuadër të operacionit "The Wanted", shtetasin N. S., për ekstradimin e të cilit Interpol Tirana vijon bashkëpunimin me Interpol Madridin. (A2 Televizion)
A2 CNN Livestream
MUND TE LEXONI GJITHASHTU
