Një ngjarje e rëndë ka ndodhur rreth orës 04:10 të mëngjesit në lagjen “Pavarësia” të qytetit të Vlorës, ku një 35-vjeçar dyshohet se është vetëplagosur me armë zjarri në apartamentin e tij.
A2 CNN mëson se bëhet fjalë për shtetasin Arnaldo Matodashaj, i cili dyshohet se po luante me një armë tip pistoletë “Glock”, kur arma është shkrepur aksidentalisht, duke e plagosur rëndë në kokë.
Menjëherë pas ngjarjes, Matodashaj ka marrë ndihmën e parë mjekësore dhe më pas është transportuar në Spitalin e Traumës në Tiranë për trajtim të specializuar, ku ndodhet në gjendje kritike për jetën.
Në vendin e ngjarjes është sekuestruar arma e zjarrit si provë materiale, ndërkohë që grupi hetimor, nën drejtimin e Prokurorisë, po vijon punën për zbardhjen e plotë të rrethanave të ngjarjes.
Policia nuk përjashton as pista të tjera, për shkak se rrethanat e vetëplagosjes mbeten ende të paqarta.
Arnaldo Matodashaj është një emër i njohur për autoritetet, pasi në korrik të vitit 2023 është arrestuar bashkë me një shokun e tij teksa lëvizte i armatosur pa leje.
Hetimet vazhdojnë për të sqaruar nëse kemi të bëjmë me një aksident apo ndonjë rrethanë tjetër të fshehur pas ngjarjes. (A2 Televizion)
A2 CNN Livestream
MUND TE LEXONI GJITHASHTU
