Policia ka dhënë detaje zyrtare në lidhje me krimin e rëndë që tronditi Roskovecin këtë të martë, ku xhaxhai dhe nipi mbetën të vrarë.
Dy persona që mbetën të vrarë nga kjo ngjarje janë Gramos e Lavdimir Kurti. Ndërkohë, autori i ngjarjes së rëndë, sipas policisë, është Altin Kuka, i cili është dorëzuar pas krimit.
Policia bën të ditur se ka sekuestruar edhe armën e zjarrit me të cilën dyshohet të ketë ndodhur krimi, shkruan A2 CNN.
“Roskovec/Informacion paraprak
Rreth orës 14:00, në fshatin Kurjan, Roskovec, në rrethana ende të paqarta, shtetasi A. K., 49 vjeç, dyshohet se ka vrarë me armë zjarri, shtetasit L. K. dhe G. K.
Shërbimet e Policisë po shoqërojnë në Komisariat, autorin e dyshuar të ngjarjes, shtetasin A. K.
Gjithashtu, shërbimet e Policisë kanë sekuestruar armën e dyshuar të krimit (armë zjarri automatike).
Grupi hetimor po punon për sqarimin e plotë të rrethanave dhe dokumentimin ligjor të kësaj ngjarjeje”, njofton policia.
(A2 Televizion)
A2 CNN Livestream
MUND TE LEXONI GJITHASHTU
