Ditën e sotme një zjarr ka rënë në malin e Krastës në Elbasan, raporton A2 CNN.
Pas një pune të pandërprerë të forcave zjarrëfikëse dhe atyre të armatosura, është arritur të vihet nën kontroll vatra e zjarrit.
Aktualisht, forcat zjarrfikëse dhe strukturat e përfshira në operacion vazhdojnë punën intensive për izolimin e plotë dhe shuarjen përfundimtare të vatrave të mbetura. Po ashtu, vijon monitorimi i terrenit për të parandaluar çdo riaktivizim të mundshëm për shkak të erës.
Në këtë aksion u përfshinë 12 efektivë të FA dhe një mjet zjarrfikës nga Detashmenti i Mbrojtjes Rajonale Mengël, Elbasan, shkruan A2 CNN.
Strukturat e mbrojtjes civile, në bashkëpunim me autoritetet vendore dhe në koordinim të plotë me Agjencinë Kombëtare të Mbrojtjes Civile, janë në gatishmëri në çdo moment në mbrojtje të komunitetit e të pasurive natyrore. (A2 Televizion)
A2 CNN Livestream
MUND TE LEXONI GJITHASHTU
