Deputeti i Partisë Demokratike, Besart Xhaferri, ka komentuar mundësinë e një “Foltoreje të dytë” nga ish-kryeministri Sali Berisha, gjatë një interviste në emisionin Off the Record me Andrea Dangllin.
I pyetur nëse është koha për një tjetër valë takimesh me demokratët, Xhaferri u shpreh se energjia e foltores së parë ishte pozitive, por se aktualisht nuk është moment për rebelime të brendshme.
“Foltore të dytë… të gjitha gjërat pozitive që solli foltorja e parë na duhen, por jo për foltore rebelimi. Nuk ka vend për rebelim, sot duhet të rivihet kontakti me bazën dhe të ecim përpara,” tha Xhaferri.
Deputeti i PD theksoi gjithashtu se takimet me bazën nuk duhet të jenë vetëm nisma të kryetarit të partisë, por detyrë e gjithë strukturës së PD-së.
“Është detyra e çdo deputeti dhe e kupolës drejtuese, deri te seksionet dhe organizatat partnere, që të mobilizohen për zgjedhje që mund të vijnë në çdo moment,” shtoi ai. (A2 Televizion)
A2 CNN Livestream
MUND TE LEXONI GJITHASHTU
