Pas diskutimeve për projektbuxhetin për Mbrojtjen në komisionin për Çështjet e Brendshme dhe të Mbrojtjes, ministri Pirro Vengu iu përgjigj interesit të mediave për këto zhvillime.
I pyetur nga gazetarja e A2 CNN, Fjorela Beleshi nëse i është kërkuar dorëheqja nga kryeministri Edi Rama, ashtu siç pretendon kreu i PD, Sali Berisha, Vengu tha se lideri i opozitës po “deliron”.
“Mua nuk më shokojnë aspak delire të kësaj natyre. Jam ambientuar me rrëfime të tilla, të cilat i marr më shumë si kërcënime të zotit Berisha, i cili nuk ka frikë nga ushtrimi i pozitës drejtuesit të opozitës shqiptare për të ushtruar kërcënime, trysni nga më të ndryshmet, sidomos për dikastere siç janë dikastere të sigurisë kombëtare, siç është Ministria e Mbrojtjes. Nuk janë fare të vërteta këto gjëra dhe lutem herën tjetër kur flasim për projektbuxhetin t’i përmbahemi projektbuxhetit dhe të mos flasim për delire të kësaj natyre”, u përgjigj ministri i Mbrojtjes. (A2 Televizion)
A2 CNN Livestream
MUND TE LEXONI GJITHASHTU
