I ftuar në emisionin Off the Record nga Andrea Danglli në A2 CNN, Ilir Alimehmeti, ish-kandidat për deputet, u shpreh se PD ka bërë gabime, por sipas tij, problemi qëndron te vjedhja që ka bërë Partia Socialiste në zgjedhjet e 11 majit.
“A ka bërë gabime Partia Demokratike? Patjetër që ka bërë. Një parti që bën gabime ndëshkohet, një parti që bën mirë meriton më shumë. Por të mos kujtojmë se çfarë ka bërë PS-ja. 48 përqind kanë marrë pjesë në votime, nga ato 52 përqind me ashtu siç i ka bërë zgjedhjet dhe për këtë do të flasim me raportin përfundimtar të OSBE/ODIHER.
Kur të vijë, do të kuptojmë se është diku 24-25përqind, me para, me diasporën, me të gjitha. Është pakicë e pakicës. Kryeministri del thotë në televizor mos dilni me votu, duke minuar themelin e demokracisë”, tha Alimehmeti.
“Qeveria e re, bëje mirë, bëje vet”, Alimehmeti zbulon nëse do të garojë për Tiranën
Demokrati Ilir Alimehmeti ishte i ftuar në “Off the Record” me gazetarin Andrea Dangllin, ku foli rreth përbërjes së kabinetit të ri qeveritar që u prezantuar mesditën e së mërkurës nga kryeministri i njohur.
Mjeku i njohur u shpreh se nuk priste asnjë risi nga kabineti i ri, pasi mandatet e mëparshmë të Ramës kanë treguar se i komandon ai të gjitha.
“Pak rëndësi ka kush emër është ministër, Rama i komandon të gjitha. Pastaj janë dhe zëvendësit. Edhe me ligjin e ri, firmat e vejnë drejtorët. Pamë dhe reagimet që askush nuk dinte asgjë. Vota politike ka rënë. Gjysma e ministrave duhet ta dinin ku ishin. Ky është një format bëje mirë bëje vetë”, tha Alimehmeti.
Më tej, Alimehmeti foli dhe për zgjedhjet që pritet të mbahen për bashkinë e Tiranës dhe mundësinë që ai të jetë kandidati i opozitës përballë Ogerta Manastirliut të shpallur sot nga kryeministri në Asamblenë e Përgjithshme të PS.
“Kemi një situatë kur kryeministri e la Tiranën në ilegjitimet dhe nuk e shkarkoi një kryetar bashkie që u fut në burg, kështu e ka ligji. Ai i dha urdhër këshillit bashkiak që të nisë procedurat. Ligjin duhet ta interpretojë gjykata. Këshilli Bashkiak propozon, nuk e bëri sepse priste ok e Ramës. Çfarë i ndryshoi Ramës sot që e shkarkoi, ndryshoi ndonjë akuzë, jo. Erdhi ndokush nga jashtë? Do flasim dhe ne brenda për brenda. Do kemi dhe ne forumet tona ku do të diskutojmë. Unë nuk flas asgjë përpara se të diskutoj në shtëpi. Besoj se dhe Berisha është me këtë qëndrim që në fillim diskutohet në shtëpi. Unë nuk punoj për lajme”, deklaroi mjeku i njohur në A2 CNN. (A2 Televizion)
A2 CNN Livestream
MUND TE LEXONI GJITHASHTU
