Dy deputetë të Partisë Socialiste të qarkut të Durrësit nuk do të betohen në shtator. Deklarata e fortë u bë në studion e A2 CNN nga kandidati i Partisë Demokratike në këtë qark në zgjedhjet e 11 majit Aulon Kalaja. Në Ditarin me Bruna Çifligun, Kalaja theksoi se krimi dhe bandat kishin vendosur vendos emrat për deputetë.
“Në 2021 gjysma e listës e Durrësit ra në burg. Ranë zgjedhjet në qarkun e Durrësit, zgjedhje nuk kishte. Nga Jurgis Çyrbja e të tjerë që krimi e bandat i kishin vendosur emrat për deputetë. E njëjta histori është edhe këtë herë po ju them nga kjo studio që do të kemi dy deputetë që nuk do të jenë në listën e Durrësit nga këta që kanë fituar tani”, tha Kalaja në A2 CNN.
Sipas tij, kjo ka ardhur si pasojë e zhvillimeve të dy ditëve të fundit ku janë goditur grupe kriminale të cilat kanë patronazhuar kandidatët dhe jo vetëm në Durrës por edhe në qarqe të tjera.
“Janë goditur grupe kriminale të caktuara të cilat kanë patronazhuar kandidatët. Skema ka qenë ndryshe që vota dhe pesha juaj do të duket te filan kandidat, jo vetëm në Durrës, por edhe në Elbasan dhe qarqe të tjera”.
Në A2 CNN ai ngriti pikëpyetje për SPAK-un që sipas tij nuk vepron në kohë reale siç ndodhi me Fredi Belerin.
“Më intereson që kur fakti ndodh, aty të goditen siç arrestuan Fredi Belerin në flagrancë. Nga faktet do të na dalë që ka pasur krim zgjedhor. Problemi është pse nuk veprojnë në kohë reale? Dhe kjo minon të gjithë besimin që kam te SPAK-u në raport me krimin zgjedhor”. (A2 Televizion)
A2 CNN Livestream
MUND TE LEXONI GJITHASHTU
