Belind Këlliçi, drejtuesi politik i Partisë Demokratike për Tiranën, i ftuar në studion e “ÇdoKënd” me Merita Haklaj, në A2 CNN, tregoi se çfarë presin demokratët nga rinumërimi i Tiranës.
“Presim ezaurimin e çdo mundësie të mundshme që ne kemi për të çuar në Parlament Ilir Alimehmetin, që është i pari në listë pritjeje, për shkak se ka marrë 18 mijë vota dhe nuk është normale që një personazh publik që votëbesohet në mënyrë të tillë, të qëndrojë jashtë Parlamentit. Këtë e ka mundësuar ky kod i deformuar, për të cilin jam shprehur kundër gjithmonë”, tha Këlliçi.
“Uroj që të jetë hera e fundit që qytetarët shqiptarë votojnë me këtë kod të përçudnuar dhe do të përdorim çdo hapësirë të mundshme. Mund të ketë fenomene të tjerë deformimi të votës dhe forca të tjera kanë marrë një mandat në kurriz të Partisë Demokratike”, theksoi Këlliçi më tej.
(A2 Televizion)
A2 CNN Livestream
MUND TE LEXONI GJITHASHTU
