Mazhoranca rrëzon kërkesën e Partisë Demokratike për mocion me debat lidhur me gjetjet e OLAF-it dhe masat që duhet të merren.
“T’ju vijë turp! Po shkelni hapur rregulloren. Po mbroni hajdutërinë. Ne ju ftojmë të marrim masa, ndërsa ju mbroni vjedhjet”.
Sipas Bardhit, “është e paprecedentë, është e pashpjegueshme, nuk kishin asnjë argument. Hetimet nga prokuroria mund të zgjasin me vite nuk mundet që fermerët të presin me vite që të zhbllokohen fondet”.
Partia Demokratike kërkoi mocion me debat në Konferencën e Kryetarëve për gjetjen e OLAF-it, për fondet e BE në Shqipëri. Kreu i grupit parlamentar të PD-së, Gazment Bardhi theksoi se nëpërmjet një Komisioni të Posaçëm në koordinim edhe me BE duhet të adresohet çdo problem.
“Kuvendi të analizojë gjetjet e OLAF, se çfarë nuk ka shkuar me fondet e BE dhe të marrë çdo masë që mundësojnë zhbllokimin e fondeve nga BE. Prandaj edhe kërkesa për debat dhe rezoluta janë në këtë linjë. Gjithashtu kërkojmë që nëpërmjet një Komisioni të Posaçëm në koordinim edhe me BE të adresojmë çdo problem”, tha Bardhi. (A2 Televizion)
A2 CNN Livestream
MUND TE LEXONI GJITHASHTU
