“Më pëlqeu takimi, siç e patë edhe vetë ishte antimitingu më i heshtur i regjistruar në historinë e njerëzimit”.
Kështu e cilëson Sali Berisha mitingun e mbajtur nga Edi Rama me punonjësit e Bashkisë së Tiranës në sheshin “Skënderbej”. I ftuar në emisionin “Debat” në A2 CNN, lideri demokrat e cilësoi këtë takim si nisjen e numërimit mbrapsht të pushtetit të Ramës dhe e krahasoi me një organizim të ngjashëm të ish-liderit të fundit komunist Ramiz Alia, në vitin 1990.
“Në 1990, Ramiz Alia thirri një miting të kësaj natyre. Ai miting firmosi dhe rrokullisjen drejt fundit të tij. Edi Rama bëri të njëjtën gjë”, tha Berisha.
Pohoi se e kishte ndjekur me shumë vëmendje fjalimin e kundërshtarit të tij politik dhe, sipas tij, Rama tregoi frikë: “I jap vetes kurajo me këtë miting”.
Duke u kthyer te deklaratat e tij në ditët e fundit për shkrirjen e SPAK, Berisha për të përforcuar qëndrimin e tij mori si shembull Presidentin amerikan, Donald Trump: “Tre ditë më parë, Donald Trump ka shkrirë prokurorinë e Nju Jorkut. Dy ditë më parë, Donald Trump ka shkarkuar të gjithë prokurorët e emëruar nga Joe Biden. Sepse vetëm e vetëm janë dëshmuar prokurori politike.”
Por, kur pyetet për bashkimin e votave me Edi Ramën kundër Reformës në Drejtësi, Berisha mohon çdo mundësi për këtë skenar. (A2 Televizion)
A2 CNN Livestream
MUND TE LEXONI GJITHASHTU
