Numërimi i votave ka nisur në të gjithë Shqipërinë dhe ka ecur me ritme të kënaqshme në disa prej qarqeve kryesore. Sipas të dhënave më të fundit, të atashuara në faqen e KQZ-së, rezulton se deri në orën 04:30 janë numëruar 637 nga 5225 qendra votimit në total.
Partia Socialiste kryeson në rang vendi, pasi ka grumbulluar deri më tani 81.923 vota (53.74%), përkundrejt 51152 votave (33.56%) që ka arritur të marrë koalicioni i Partisë Demokratike.
Forcë e tretë në rang vendi është Partia Socialdemokrate, e drejtuar nga Tom Doshi. PSD deri më tani ka marrë 5910 vota, ose 3.98 përqind.
Nuk mbetet shumë larg tyre koalicioni Nisma-Shqipëria Bëhet, të cilët kanë marrë 5418 vota (3.55%).
Në vendin e pestë në renditje në rang kombëtar është Partia Mundësia me 3755 vota, ose 2.46% e tyre. (A2 Televizion)
A2 CNN Livestream
MUND TE LEXONI GJITHASHTU
