Ministria e Mbrojtjes ka bërë me dije të dhëna të detajuara në lidhje me marrëveshjet e nënshkruara në fushën e sigurisë mes qeverisë shqiptare dhe asaj italiane në takimin e zhvilluar një ditë më parë në Romë.
Kështu, Shqipëria dhe Italia konkretizuan një sërë marrëveshjesh dypalëshe, duke rikonfirmuar thellësinë e partneritetit strategjik dhe angazhimin për stabilitetin dhe zhvillimin rajonal.
Marrëveshja e parë e përbashkët ka të bëjë me zgjerimin e aktiviteteve të dypalëshe të trajnimit ndërveprueshmërisë, sigurisë detare dhe gatishmërisë operacionale.
Firmosja e marrëveshjes teknike për transferimin e dy motovedetave patrulluese italiane për Rojën Bregdetare Shqiptare forcon ndjeshëm kapacitetet e Shqipërisë për vëzhgimin e hapësirës detare si dhe operacioneve të kërkim-shpëtimit në Detin Adriatik dhe Jon.
Marrëveshja e dytë ka të bëjë me konsolidimin e partneritetit në fushën e industrisë së mbrojtjes për krijimin e bazës industriale të mbrojtjes në vend, në përputhje me agjendën më të gjerë të industrializimit dhe aftësive teknologjike e prodhuese të vendit.
Marrëveshja mes kompanisë shtetërore KAYO me atë italiane Leonardo dhe Fincantieri fokusohet në përdorimin e teknologjive të avancuara nga municionet tek sistemet e komandim -kontrollit, zhvillimin e kapaciteteve të mirëmbajtjes së anijeve ekzistuese të Forcës Detare, dhe prodhimit të mjeteve të reja detare për tregun vendas dhe ndërkombëtar.
Ndërkohë që marrëveshja e tretë ka të bëjë me forcimin e Qëndrueshmërisë dhe kapaciteteve të mbrojtjes civile të Shqipërisë.
Këto nisma plotësohen nga nënshkrimi i memorandumit dhe deklaratës trepalëshe AKMC-AICS Tirana dhe e Agjencisë Italiane të Mbrojtjes Civile, për garantimin e sinergjive për projektet aktuale dhe të ardhshme të mbrojtjes dhe emergjencave civile. (A2 Televizion)
A2 CNN Livestream
MUND TE LEXONI GJITHASHTU
