Bojkotin e paralajmëruar të Komisionit të dytë të Reformës Administrative Territoriale, demokratët duket se e nisën që në Konferencën e kryetarëve. Jorida Tabaku ishte e vetmja përfaqësuese e PD.
Arsyet e PS për një tjetër komision të posaçëm, lidhur me kompetencat, financat dhe rolin e rajoneve, sipas opozitës janë të njëjtat e paraqitura prej tyre në korrik kur kërkuan zgjatjen e afatit dhe u refuzuan nga shumica për numrin e bashkive.
Tabaku kërkon vëmendjen dhe ndërhyrjen e ndërkombëtare teksa pohon se është në komunikim me Komisionin Europian.
Grupi parlamentar demokrat do të vendosë nëse do ta çojë çështjen në Kushtetuese, por Taulant Balla për këtë nuk është i shqetësuar.
Socialistët tashmë sytë i kanë nga reforma zgjedhore.
Klima e acaruar politike nuk pengon kreun e grupit parlamentar socialist të ftojë rivalët në dialog për reformë kushtetuese. Kartonët për votimin imponojnë konsensusin.
Sa i përket referendumeve, Balla pohon se po punohet me OSBE për një ligj të ri, ku fton dhe opozitën të bëhet pjesë e hartimit. (A2 Televizion)
A2 CNN Livestream
MUND TE LEXONI GJITHASHTU
