Partia Demokratike ka shënuar pjesëmarrjen më të lartë në proceset zgjedhore të brendshme, me 50,854 votues në Primaret 2025. Kjo është bërë e ditur nga zyra e shtypit e Partisë Demokratike sipas të cilës në total në të gjithë qarqet e vendit kanë votuar mbi 50 mijë anëtarë.
“Kjo është pjesëmarrja më e lartë ndër të gjitha proceset zgjedhore ne PD shenjë e rritjes së besimit të shqiptarëve te PD. Kanë qenë vetë anëtarët që kanë votuar në mase, duke pritur edhe me orë të tëra për të votuar, sipas parimit një anëtar një votë”.
Numri më i madh i votuesve u regjistrua në Tiranë me 13,052 pjesëmarrës, e ndjekur nga Durrësi (4,920) dhe Korça (4,826).
Sipas KOKOE, kjo tregon rritjen e besimit te PD dhe forcimin e parimit “një anëtar, një votë”, ndërkohë që procesi u zhvillua në të gjithë vendin në mënyrë të qetë dhe pa probleme.
Referuar procesverbaleve të ardhura në forme elektronike pranë KOKOE, nga Komisionet e Votimit në të gjitha Qarqet/Degët e PD, KOKOE informon si më poshtë vijon:
QARKU Pjesëmarrja
1 KUKES 2,640
2 SHKODER 4,451
3 DIBER 2,204
4 LEZHE 3,669
5 DURRES 4,920
6 ELBASAN 3,927
7 KORCE 4,826
8 BERAT 2,044
9 FIER 4,580
10 GJIROKASTER 1,957
11 VLORE 2,584
12 TIRANE 13,052
Totali 50,854
(A2 Televizion)
A2 CNN Livestream
MUND TE LEXONI GJITHASHTU
