Opozita ka braktisur seancën e sotme plenare. Shkak për këtë vendim është bërë vendimi i Partisë Socialiste për të mos ngritur dy komisionet hetimore të kërkuara prej tyre, për çështjen McGonigal dhe zgjedhjet e 11 Majit.
Votimi nuk është marrë ende, por socialistët e pohuan që dy komisionet nuk do të ngrihen dhe kjo bëri që deputetët demokratë, me Sali Berishën në krye të linin sallën.
Në ambientet e jashtme të Kuvendit, Berisha tha për mediat se PS mohoi ngritjen e komisionit për çështjen McGonigal, pasi sipas tij pjesë e dosjes është kryeministri Edi Rama.
Menjëherë pasi la Kuvendin, Partia Demokratike përmes një njoftimi për media bën me dije se nesër në orën 12:00 do të zhvillohet një mbledhje e posaçme e Grupit Parlamentar lidhur me situatën e krijuar sot në Kuvend dhe mohimin e të drejtave kushtetuese të opozitës.
Ky është vendimi i parë pas refuzimit për ngritjen e komisioneve hetimore, por siç kryedemokrati Berisha pohoi para mediave, do ketë edhe vendimmarrje të tjera, ku nuk përjashtohen as protestat nga opozita. (A2 Televizion)
A2 CNN Livestream
MUND TE LEXONI GJITHASHTU
