Është publikuar lista e kandidatëve që pritet të garojnë në Primaret e 1 marsit në Partinë Demokratike të Durrësit, nga ku më pas do të vendoset se kush do të jetë kandidat për deputet në zgjedhjet e 11 majit.
Lajmin e ka bërë të ditur dega e PD-së së Durrësit përmes një njoftimi, ku edhe ka ftuar të gjithë anëtarët e partisë të marrin pjesë në Primare dhe të ushtrojnë të drejtën e tyre të votës, shkruan A2 CNN.
Po ashtu në njoftim thuhet se në fletën e votimit gjenden të renditur të gjithë kandidatët e qarkut, të dalë nga degët Durrës, Krujë, Fushë Krujë dhe Shijak dhe anëtari/ anëtarja e PD-së ka të drejtë të votojë vetëm një prej tyre.
Lista me emrat e kandidatëve:
Njoftimi i PD dega Durrës:
Të nderuar anëtarë të Partisë Demokratike,
Ju njoftojmë se ditën e shtunë, më 1 Mars 2025, do të zhvillohen primaret për përzgjedhjen e kandidatëve për deputetë të Partisë Demokratike të qarkut të Durrësit, për zgjedhjet parlamentare të 11 Majit 2025.
Detajet e procesit:
Data e votimit: 1 Mars 2025
Ora e votimit: 08:00 – 18:00
Vendi i votimit: Pallati i Sportit “Ramazan Njala”, Durrës
Mënyra e votimit: Një anëtar, një votë.
Kandidatët: Në fletën e votimit gjenden të renditur të gjithë kandidatët e qarkut, të dalë nga degët Durrës, Krujë, Fushë Krujë dhe Shijak dhe anëtari/ anëtarja ka të drejtë të votojë vetëm një prej kandidatëve.
Ftojmë të gjithë anëtarët e degës Durrës të marrin pjesë dhe të ushtrojnë të drejtën e tyre të votës dhe të kontribuojnë për një garë të ndershme dhe demokratike.
Për të parë listën e plotë të kandidatëve ju lutem klikoni mbi foton!
Me respekt,
Dega e Partisë Demokratike, Durrës
Për të parë (A2 Televizion)
A2 CNN Livestream
MUND TE LEXONI GJITHASHTU
