Deputeti i Partisë Demokratike, Luan Baçi, duke folur për reformën e re territoriale, tha se opozita nuk do të pranojë shkrirjen e bashkive dhe se do të ndjekë të gjitha rrugët ligjore, përfshirë edhe dërgimin e çështjes në Gjykatën Kushtetuese.
I ftuar në emisionin “Puls” në A2 CNN, Baçi tha se procesi i konsultimeve për reformën territoriale nuk ka marrë parasysh shqetësimet e qytetarëve dhe se, sipas tij, dëgjesat kanë qenë thjesht formale.
“Qytetarët në këto takime kanë kërkuar që shërbimet të jenë sa më afër tyre dhe jo zvogëlimin e numrit të bashkive”, u shpreh Baçi.
Duke folur për ndryshimet e propozuara në qarkun e Fierit, deputeti demokrat kundërshtoi veçanërisht bashkimin e Bashkisë së Patosit me Bashkinë e Fierit. Sipas tij, Patosi është një bashki me burime dhe performancë të mirë dhe nuk ka arsye për shkrirjen e saj.
“Patosi ka resurse, ka performancë si bashki dhe nuk ka problem performance. Nuk shikoj një arsye tjetër për këtë ndryshim”, deklaroi Baçi.
(A2 Televizion)
A2 CNN Livestream
MUND TE LEXONI GJITHASHTU
