Kolegji Zgjedhor rrëzoi përfundimisht kërkesën e demokratëve për pavlefshmëri të zgjedhjeve të 11 majit, duke mbyllur sagën gjyqësore të ankimimeve. Pas këtij vendimi, pritet dekreti i Presidentit për thirrjen e seancës së parë parlamentare për konstituimin e Kuvendit të ri.
“Rrëzohet vendimi”. Me këto fjalë të Kolegjit Zgjedhor përfundoi edhe saga e zgjedhjeve parlamentare të 11 majit, ku tentativa e fundit e demokratëve për të rrëzuar procesin në tavolinë dështoi.
Kjo seancë e fundit zgjati për më shumë se 8 orë dhe ajo që i mundoi gjyqtarët nuk ishte kërkesa për pavlefshmëri zgjedhore, por ajo për standardet e ndjekura në shpërndarjet e mandateve.
Thënë më thjesht, Kolegji krijoi dyshimin për dorëheqjen e Maldrita Bardhos që i hapi rrugë Zegjine Çaushit në Fier dhe 12 kandidatëve të PSD-së në Qarkun e Tiranës që i hapi rrugë Tedi Mulajt në listën e hapur të këtij subjekti. Dhe këto dyshime duket se ndanë edhe bindjen e gjyqtarëve në marrjen e vendimit.
Pas këtij vendimi, hapi i rradhës është dekreti i Presidentit për thirrjen e seancës së parë parlamentare, ku sipas Kushtetutës, ajo nuk mund të jetë më herët se 10 shtatori dhe jo më vonë se data 20 shtator. (A2 Televizion)
A2 CNN Livestream
MUND TE LEXONI GJITHASHTU
