Demokratët e Rithemelimit nuk do të japin votat për ngritjen e të ashtuquajturit Superkomision përmes të cilit mazhoranca synon të reformojë luftën kundër korrupsionit. Pas mbledhjes me grupin parlamentar, kryetari Gazment Bardhi komunikoi vendimin.
Me firmën e Lindita Nikollës, ngritja e superkomisionit është përfshirë në rendin e ditës të seancës parlamentare parashikuar për këtë të enjte.
Gjasat janë që mazhoranca të jetë e gatshme ta heqë nga rendi i ditës gjatë seancës plenare, për t’i dhënë kohë ngritjes me dakordësi të superkomisionit.
Bardhi tregon se ka pasur edhe një ftesë për takim nga socialistët, por i mbyll derën negociatave.
Në mbledhjen e grupit, demokratët kanë qenë të unifikuar në qasjen kundër superkomisionit antikorrupsion të kërkuar nga mazhoranca.
I vetmi zë ndryshe ishte ai i Dhurata Çupit, që këshilloi publikisht kolegët kundër bojkotimit të tij. (A2 Televizion)
A2 CNN Livestream
MUND TE LEXONI GJITHASHTU
