34 qendra shëndetësore janë të hapura këtë sezon veror për t’iu përgjigjur nevojave shëndetësore të pushuesve. Ky shërbim ka nisur punën nga 1 qershori dhe do të vijojë deri në fund të shtatorit.
Drejtues të Ministrisë së Shëndetësisë tregojnë se këtë vit janë shtuar qendrat shëndetësore verore si në zonat bregdetare ashtu edhe në ato malore, ku fluksi i turistëve të huaj është edhe më i lartë.
Jeta Deda, drejtuese e Operatori të kujdesit shëndetësor, siguron se në çdo qendër do të jenë në shërbim të pacientëve mjekë dhe infermierë të licencuar.
Këtë vit kërkesat nga mjekët e rinj për të punuar në qendrat verore kanë qenë më të larta.
Qendrat shëndetësore verore janë pikat ku pushuesit dhe turistët marrin ndihmën e parë për problemet nga vapa, pickimet e ndryshme apo shqetësime të tjera. Në varësi të situatës, rastet i referohen spitaleve rajonale ose Urgjencës Kombëtare nëse kanë nevojë për ndërhyrje të menjëhershme. (A2 Televizion)
A2 CNN Livestream
MUND TE LEXONI GJITHASHTU
