Sezoni turistik pritet të shtojë me 30% urgjencat shëndetësore. Me përqendrimin e popullsisë në bregdet edhe thirrjet për ndihmë nga këto zona do të jenë më të shumta.
Kreu i Urgjencës Kombëtare tregon se aksidentet në rrugë nga shpejtësia apo përdorimi i alkoolit dhe substancave të tjera, mbajnë vendin e parë në urgjencat e verës.
Skënder Brataj iu bën thirrje qytetarëve, veçanërisht të rinjve të respektojnë rregullat e qarkullimit. Nëse të konsumojnë alkool apo substance të tjera të mos marrin drejtimin e mjetit.
Këtë verë ndihma e shpejtë do të ofrohet edhe përmes motoambulacave. 4 mjete të tilla dhe stafi mjekësor, do të jenë në funksion të atyre urgjencave që ambulancat e kanë të vështirë të ndërhyjnë për shkak të mungesës së infrastrukturës.
Ndërkohë nga 1qershori, në zonat bregdetare dhe malore ka nisur funksionimi i 34 qendrave verore shëndetësore. Ato do të jenë të hapura deri në fund të shtatorit për të dhënë ndihmën e parë dhe shërbim 24 orë për çdo problematikë të pushuesve. (A2 Televizion)
A2 CNN Livestream
MUND TE LEXONI GJITHASHTU
