Shqiptarët po përballen me një krizë të trefishtë: rritja e çmimit të karburanteve që ka nisur që në shtator; rritja e çmimit të ushqimeve dhe së fundmi, edhe kriza energjetike, që ndonëse nuk do të reflektohet drejtpërdrejtë tek fatura e dritave, siç edhe kryeministri ka deklaruar se nuk do të rritje të çmimit të energjisë për abonentët familjarë dhe biznesin e vogël, mund të reflektohet te mallrat dhe shërbimet, nëse tarifat e energjisë do të shtrenjtohen për biznesin e mesëm dhe të madh.
Në finale kosto e jetesës do të rritet, ashtu siç tendenca ka nisur të shfaqen nga shtatori dhe të gjithë ne, duhet të paguajmë më shumë për të jetuar.
Ish-ministri i Financave, Arben Malaj, i ftuar në A2 Business, e cilësoi të tepërt panikun e krijuar nga kryeministri në lidhje me krizën energjetike.
Sipas Malajt, Shqipëria ka pasur gjithmonë goditje nga krizat e jashtme dhe kjo dhe si pasojë e keqqeverisjes që shkruhet në çdo raport ndërkombëtar.
“Përgjegjësinë kombëtare tani e imponon situata në të cilën ndodhemi. Jemi në një zhvillim ku paqartësitë janë rritur. Ajo që është më e rëndësishme është që paniku më i madh është paniku që do të krijojnë qeveritar. Goditje të jashtme ekonomike Shqipëria ka pasur gjithmonë. Ajo që ndodh në Shqipëri nuk është se preket vetëm nga një krizë e jashtme. Ajo që ndodh në Shqipëri është fatkeqësisht një mbivendosje e krizës së goditjes së jashtme me krizën e mungesës së kredibilitetit dhe me krizën e keqqeverisjes së vendit. Ishte i tepërt paniku i krijuar nga kryeministri për të marrë një vendim për të shpallur një gjendje të jashtëzakonshme”, u shpreh Malaj. (A2 Televizion)
A2 CNN Livestream
MUND TE LEXONI GJITHASHTU
