Përballja me sulmet kibernetike dhe siguria e sistemeve bankare kanë çuar në zyrën e kryeministrit Edi Rama, Guvernatorin e Bankës së Shqipërisë, Gent Sejko, dhe drejtuesin e komanduar të Shërbimit Informativ të Shtetit (SHISH), Oljan Kanushi.
Për më shumë se 60 minuta, dy zyrtarët e lartë informuan shefin e qeverisë për situatën në të cilën ndodhen institucionet shqiptare dhe ato private bankare prej 6 muajsh, për shkak të ndërhyrjes në sistemet elektronike nga “hacker”-at iranianë.
Në Kryeministri sapo kishte mbaruar mbledhja e qeverisë dhe ministri i Mbrojtes, Niko Peleshi, njëherësh anëtar i Komitetit për Mbrojtjen Kibernetike, u pyet nga gazetarët nëse paratë e qytetarëve janë të sigurta në sistemet digjitale të bankave të nivelit të dytë?
“Nuk ekziston siguria 100% në asnjë institucion, qoftë publik apo privat”, tha Peleshi.
Qeveria shqiptare u bën thirrje edhe aktorëve privatë që të investohen më shumë tek sistemet e tyre që të mos jenë lehtë të aksesuseshme nga sulmet.
Ditët e fundit kanë qarkulluar lajme se disa banka të nivelit të dytë janë sulmuar nga “hacker”-at iranianë. Edhe pse nuk ka një konfirmim zyrtar nga autoritetet shqiptare, një prej bankave private e ka pranuar publikisht sulmin, duke pohuar se të dhënat e klientëve nuk ishin prekur. (A2 Televizion)
A2 CNN Livestream
MUND TE LEXONI GJITHASHTU
