Në shtetet perëndimore, vaksinat e para të koronavirusit u pritën me entuziazëm e shpresë. Por, në shumicën e vendeve më të varfra si Pakistani, shpërndarja nuk ka filluar ende.
Një spital në Karaçi është plot, e nuk ka shtretër për të gjithë pacientët e Covid-19.
“Jemi plot, kemi pacientë që presin, kemi familje që vuajnë; pacientë me oksigjen në shtëpi të cilët nuk kanë vend në spital”, shprehet mjekja Nashwa Ahmad.
Mjekët e clësojnë si tepër zhgënjyese, mungesën e vaksinave.
“Vaksina nuk ka ardhur e as nuk pritet të vijë shpejt. Kjo nënkupton se punonjësit e shëndetësisë duhet të vijojnë të punojnë pa papushim pa qenë të mbrojtur nga vaksina.”
E megjithatë, ndihma duket të jetë rrugës. Programi Covax i cili synon shpërndarjen e 2 miliardë vaksinave deri në 2021, ka premtuar dozat e para në shkurt. Shumica e dozave do t'u jepen 92 shteteve më të varfra, pa para.
“Covax është krijuar për të garantuar një qasje të drejtë e të barabartë, në mënyrë që asnjë vend apo person që ka nevojë për vaksinën, të lihet pas”, shprehet Aurelia Nguyen, drejtoreshë e Covax.
Por, misioni i Covax është vështirësuar nga nxitimi i shteteve të pasura për përvetësimin e dozave në dispozicion, praktikë e denoncuar shpesh nga shefi i OBSH, Tedros Adhanom Gebrejesus. Ndërsa pret dozat e Covax-it, qeverisë pakistaneze i është premtuar edhe një dhuratë prej 500 mijë dozash nga kinezja Sinofarm, një pikë në ujë për shtetin me 200 milionë banorë. (A2 Televizion)
A2 CNN Livestream
MUND TE LEXONI GJITHASHTU
