Trajneri Sylvinho është shprehur i kënaqur me rezultatin e ndeshjes mes Shqipërisë dhe Kroacisë, ndonëse sipas tij kombëtarja kishte mundësi të dilte me pikë të plota nga ky takim.
Teksa vlerësoi të gjithë lojtarët për angazhimin në përballjen me Kroacinë, Sylvinho nuk foli për ndeshjen e radhës me Spanjën, duke thënë se do të presë sesi ajo do të luajë nesër me Italinë.
“Mendoj që ne bëmë një ndeshje shumë të mirë. E merituam rezultatin kishim përballë një skuadër të jashtëzakonshme, respekte për trajnerin, lojtarët. Në bëmë mirë. Pjesën e parë kishim mundësi të shkonim dhe 2-0. Në pjesën e dytë morëm dy gola dhe pastaj arritëm të barazonim. 5 minutat e fundit do të mbeten në mendjen e të gjithë shqiptarëve. Jemi ambiciozë, në dhoma kemi shumë lojtarë të rinj, ambiciozë që po fitojnë shumë nga eksperiencë. Është e vërtetë që sot u prezantuam më mirë. Po të kishte hyrë ai topi i Manajt me Italinë, sot do të flisnim ndryshe. Kemi shumë lojtarë të rinj që po marrin eksperiencë. Të shohim ndeshjen Itali-Spanjë dhe pastaj flasim”, tha Sylvinho. (A2 Televizion)
A2 CNN Livestream
MUND TE LEXONI GJITHASHTU
