Edhe dueli tjetër dhuroi emocione të forta por as aty nuk kishte një fitues. Bayern dhe Arsenal nuk shkuan më shumë se në një barazim 2-2 në Londër dhe tani kualifikimi vendoset në “Allianz Arena”.
Përballja nisi me presion të lart që në fillim me të dyja skuadrat që e kërkonin golin. Saka kaloi në avantazh Topçinjtë që në minutën e 12-të ndërsa gjermanët iu përgjigjën shpejt me Gnabry. Pas kësaj, bavarezët shtuan forcat dhe përmbysën gjithçka me Harry Kane nga penalltia. Edhe pjesën e dytë, emocionet nuk munguan. Trossard barazoi shifrat ne 2-2 duke e bërë sfidën dhe me interesante. Në fund vetëm shtylla i mohoi golin Coman-in ndërsa vendasit pretenduan dhe për një penallti por për gjyqtarin çdo gjë ishte e rregullt.
Edhe Bayern pretendoi një penallti të padhënë. Në minutën e 66-të portieri Raya i pasoi topin mbrojtësi Gabriel, por ky e kapi atë me dorë dhe rinisi gjithçka nga e para. Incidenti nuk u kap nga kamerat live gjatë ndeshjes, por trajneri gjerman, Thomas Tuchel, tha se edhe arbitri i kishte rrëfyer pas ndeshjes se duhej akorduar penallti.
Në fund, pas barazimit 2-2, llogaritë e kualifikimit mbeten të hapura dhe gjithçka do të vendoset në ato 90 minuta në Mynih, pas 1 jave. (A2 Televizion)
A2 CNN Livestream
MUND TE LEXONI GJITHASHTU
