Egnatia u largua nga Irlanda me një disfatë që mund të ndikojë shumë në aventurën e saj europiane. Rrogozhinasit u mposhtën 3-1 nga Shamrock Rovers në ndeshjen e parë të turit të tretë kualifikues të Europa League.
Vendasit kaluan të parët në avantazh me Graham Burke nga pika e bardhë e penalltisë, por kampionët e Shqipërisë reaguan shpejt. Një penallti e fituar nga Ildi Gruda u gabua fillimisht nga Guillem Jaime, ndërsa Green me një autogol riktheu ekuilibrat. Në pjesën e dytë, Shamrock Rovers shfrytëzoi më mirë rastet e krijuara dhe gjeti edhe dy herë rrugën e rrjetës me Pico Lopes dhe Aaron Greene, duke marrë një fitore të rëndësishme 3-1.
Egnatia nuk i ka humbur shpresat për kualifikim. Skuadra e Nevil Dedes do të luajë përballjen e kthimit në Rrogozhinë, ku synon të përmbysë rezultatin, ku duhet të shënojë së paku 2 gola por të mbajë portën e paprekur. Përballë tifozëve të saj, kampionët shqiptarë besojnë se gjithçka mbetet ende e mundur. (A2 Televizion)
A2 CNN Livestream
MUND TE LEXONI GJITHASHTU
