Vetëm 9 minuta i kanë mjaftuar futbollistit të kombëtares shqiptare Taulant Seferi, për të treguar veten te skuadra e re turke, Kayserispor. Vetëm pak ditë pasi firmosi në Ligën e Parë turke, sulmuesi i Kombëtares shqiptare e nisi aventurën e re në mënyrën më të mirë të mundshme, duke shënuar dy gola që në debutim.
në ndeshjen e parë të sezonit Kayserispori triumfoi 2-0 në transfertë ndaj Vansporit, dhe gjithçka mban firmën e Seferit që e zhbllokoi takimin pas vetëm 9 minutash loje dhe nuk u ndal me kaq.
29-vjeçari shënoi sërish në të 56-tën pas asistit të Saglamduke vulosur fitoren e Kayserisporit dhe siguruar tri pikë me vlerë.
Seferi luajti 87 minuta dhe dha menjëherë sinjalin se do të jetë një nga protagonistët e skuadrës së re. Kujtojmë se sezonin e kaluar, me Bodrumspor, shqiptari realizoi 17 gola.
Sinjale të mira këto dhe për trajnerin Rolando Maran në prag të ndeshjeve të muajit shtator në Ligën e kombeve. Kuqezinjtë do të përballen me Finlandën. Bjellorusinë dhe San Marinon dhe sulmuesi shqiptar pritet të jetë një armë shtesë për teknikun italian. (A2 Televizion)
A2 CNN Livestream
MUND TE LEXONI GJITHASHTU
