Barcelona u eliminua nga Kupa e Mbretit teksa u mposht 4-2 në çerekfinale nga Athletic Bilbao. Një ndeshje e luftuar që u vendos vetëm pas 120 minutash lojë.
Baskët kaluan të parët në epërsi që në minutën e parë të ndeshjes kur Guruzeta me qetësi dërgoi topin në rrjetë. Katalanasit e përmbysën rezultatin në minutën e 26-të me Lewandowskin fillimisht dhe pas tij talenti Jamal.
Megjithatë Athletic Bilbao nuk u dorëzua dhe barazoi rezultatin në minutën e 49-të me Sancet.
Pavarësisht se dy ekipet provuan deri në fund për të shënuar, 90 minuta u mbyllën me rezultatin e barabartë 2-2. Në shtesë skuadra e Bilbao ishte më kërkuese dhe realizoi me Inaki dhe pas tij Niko Williams, vulosën kualifikimin në gjysmëfinalen e trofeut.
Një tjetër disfatë për katalanasit , pasi humbjes së Superkupës, tani eliminohen dhe nga Kupa e Mbretit. Tashmë janë në garë vetëm për trofeun e Champions League dhe La Ligës.
Edhe Girona nuk mundi të kalonte më tej pasi u eliminua nga Majorka. Vendasit e nisën më mirë pjesën e parë teksa shënuan 3 gola brenda 45 minutash.
Në fraksionin e dytë, Girona nisi të reagonte. Aranes doli me karton të kuq ndërsa Kristjan Stuani realizoi nga penalltia. Në minutën e 72, në fushë u aktivizua dhe futbollisti shqiptar Vedat Muriqi i cili kishte disa raste, por nuk mundi ti finalizonte.
Girona shënoi në fund me Savion por nuk kishte më kohë pasi surpriza e këtij sezoni në Spanjë i jep përfundimisht lamtumirën Kupës së Mbretit.
(A2 Televizion)
A2 CNN Livestream
MUND TE LEXONI GJITHASHTU
