Tjetër rezultat zhgënjyes i Realit të Madridit në kampionat.
Edhe pse me yje të shumtë në formacion (Modric, Mbappe apo Vinicius), skuadra e Carlo Ancelottit nuk shkoi më shumë se barazimi 1-1 ndaj Las Palmas në transfertë, në duelin e vlefshëm për javën e tretë të La Ligës.
Vendasit shënuan të parët me Moleiron në minutën e pestë, ndërkohë që Reali barazoi shifrat me Vinicius, me penallti, në minutën e 69, siç raporton A2.
Ky ishte barazimi i dytë në 3 javë për madrilenët që nuk e kanë nisur në mënyrën e duhur kampionatin.
Pas ndeshjes, Ancelotti tha: “Nuk po tregohemi solidë, siç u treguam sezonin e kaluar. Duhet të përmirësohemi. Unë duhet të jem më i qartë në strategjinë me të cilën lojtarët duhet të zbresin në fushë. E mira e këtyre barazimeve është që më treguan shumë gjëra që duhen përmirësuar”. (A2 Televizion)
A2 CNN Livestream
MUND TE LEXONI GJITHASHTU
