Shqipëria është mundur 2-1 në Finlandë në ndeshjen e tretë të fazës së grupeve të Nations League, duke humbur edhe vendin e parë në grup, raporton A2 CNN.
Kuqezinjtë u ndëshkuan dy herë nga goditje standarde, ndërkohë që luajtën pjesën më të madhe të takimit me 10 lojtarë.
Rey Manaj realizoi një gol të bukur me kokë që në minutën e 4’, duke i dhënë epërsinë e përkohshme kuqezinjve. Por në të 22’ Etrit Berisha u ndëshkua me karton të kuq për një ndërhyrje në kufijtë e zonës.
Menjëherë më pas Walta ekzekutoi një goditje dënimi modeste, por topi i shpëtoi nga duart Alen Sherrit dhe përfundoi në rrjetë.
Në pjesën e dytë, Shqipëria tentoi të bënte diçka më shumë, por u ndëshkua sërish me një gol nga goditja e dënimit nga Walta, ku sërish Sherri mund të kishte bërë më shumë.
Shqipëria rikthehet të martën në shtëpi, ku pret San Marinon, për ndeshjen e katërt të grupit 1 në Ligën C. (A2 Televizion)
A2 CNN Livestream
MUND TE LEXONI GJITHASHTU
