Nëse ishim mësuar me surprizat e formacioneve gjatë Europianit, duket se në Ligën Kombeve duhet t’i harrojmë ato. Tekniku Silvinjo ka zgjedhur që ta startojë kompeticionin me formacionin e tij më të mirë, duke hedhur në fushë një 11 të konsoliduar për sfidën ndaj Ukrainës.
Ashtu siç ishte përfolur braziliani do të luajë me skemën që i siguroi Shqipërisë barazimin dramatik 2-2 përballë Kroacisë në Europian, duke krijuar një digë në mesfushë me treshen Asllani-Laçi-Ramadani.
Sakaq, në portë do të jetë Strakosha, që do të ketë përpara tij në mbrojtje dyshen e krahëve Hysaj-Mitaj, ndërsa në qendër ndryshimet janë të diktuara nga dëmtimet, shkruan A2.
Vendin e Alijit të mos grumbulluar dhe kapitenit Berat Gjimshiti të dëmtuar, e kanë zënë dy ish-titullarë si Kumbulla, i cili ka luajtur minuta të plota te Espanyol në nisje të La Liga dhe Ismajli që shkëlqen në Seria A me Empolin.
Skema e përdorur bën që Bajrami të spostohet nga krahu i majtë i sulmit, teksa në të djathtë do të jetë si gjithmonë Asani. Në rolin e pykës aktivizohet Rei Manaj, që garanton luftë me mbrojtësit kundërshtarë, por e njeh mjaft mirë edhe portën.
(A2 Televizion)
A2 CNN Livestream
MUND TE LEXONI GJITHASHTU
